سفاره مصر فى شرم فين يا جماعه

احنا لازم يرحمونا و يعمللنا محرقه جماعيه (ده واحد معترض على انه فى الحجز فى قسم شرم الشيخ و معرفتش كلو ايه لان مكنش فى نور بس كان قاعد جنبى) انا: يا عم متقلش كده هو:العداله الاجتماعيه بتقول اننا زياده فى المجتمع مش محتجنا فى حاجه يعمللنا محرقه جماعيه و يخلصونا انا: اهده يا حبيبى علشان نطلع انهردا هو : طيب احنا هنا ليه انا: علشان الناس تعمل مصالح هو انت بس الى هتعمل مصالح هو : هو انا با الحق اعمل حاجه انا مجرد ما اعمل قرشين يجو هما و يخدوهم مننا انا:طيب اسكت علشان نطلع فى يومك الى مش فايت( انا شايف واحد من ورا الباب قاعد بيتصنط على الى عمال بيزعق و هو والله مش محتاج يتصنت) يسكت شويه يسئل واحد تانى هو २ هو २ : هما بيلمونا ليه انا : تانى هو २ : انا جديد فهمنى انا:طيب اولا احنا معناش اقامه هو २: اقامه هو احنا مش فى مصر انا:هتسمع ولا اسكت هو २: انا اسف اتفضل كمل انا : دلوقتى لازم يتعمل كشف على سيدتك يعنى من الاخر بيعملو بحث جنائى عليك هو २:هما بيعدو حد من الكمين الا لما يعملو بحث انا:و بعد كده فى حصحصه هو २:هى ايه الحصحصه دى احنا لازم يعدمونا فى ميدان عام (ده هو الاولانى معرفش يمسك نفسو كتير) انا:يا سيدى اسكت الله يخرب بيتك هو २:سيبك منو و فهمنى ايه الحصحصه دى انا :سمعت عن الخصخصه هو २:ايوه انا :ده اخوها الحصاوى هو २:ممكن ترجمه انا:ها اقولك مش فى الخصخصه بيبيعو الشركات هو2:اه انا : الحصحصه وضع يد امناء الشرطه و المنديب و العساكر على الاقسام (صوت جاى من بره تحيه المئمور ) انا : خلاص هانت هو २:طيب قلى انت عرفت منين انا: النور دلوقت هيولع و يجى الامناء يحللو مصالح و انت و شطرطك هو २:طيب اعمل ايه علشان اعمل اقامه و ميجبونيش هنا تانى انا: عليك و على السفاره هو2: و دى مكنها فين هو : تسمع عن وادى الخروم هو2 :لا انا : كويس هو २:هناك روح و اسئل (النور نور و ابتدو ينادو على الاسامى اللى جت ناس من بره دفعت الاتاوه علشان يخرجو هو २ كان منهم لانو شغال عند راجل محترم) هو : و احنا نموت هنا يعنى امين: اتهد اقعد بدل ما ارحلك هو3:هو ممكن يرحل حد انا : ايه الليله الى كلها مستجدين دى هو: ايوه ممكن يرحلو انت معكش اقامه انت كمان هو3: ايوه هو:استلم انا: تعرف الى خرج الى كنا بنوصفلو السفاره هو3: اه انا: اتفق معاه و روحو اعملو الاقامه سوا هو3:طيب انا:معاك فلوس هو3 بخوف : اه ليه انا: ابقاى ادى الى معاك كلو لئمين الشرطه و انت بتاخد حجتك سيب الفلوس كلها هو3: ليه انا : علشان تمشى هو3:هى فرده انا: معرفش و قلت الى عندى (ابتدا الامناء ينادو على الاسامى واحد واحد و يخدو الى فيه القسمه من الى يعرفوه و الى يشوفو انو مفتح و الباقى ينزل جونتنامو زى ما بيسموه و ده الحجز الرئيسى الى المئمور بيفتش عليه) طلعت انا و هو و بره اتكلمنا شويه و قعدنا ندحك و كل واحد راح على شغله و بعد اسبوع قابلت २ انا معرفتهمش بصراحه بس هما عرفونى و سئلونى تانى عن مكان السفاره لانهم لما راحو الوادى ملقيوش غير صحرا ملحوظه: شرم الشيخ علشان تشتغل فيها بيطلعلك كارنيه اقامه و لو مش معاك غالبا بتترحل على القسم الى انت تابع ليه تخيل كده انت راجل مسافر تاكل عيش تترحل فى كلبش على بلدكو كئنك حرامى يبقى انت اكيد اكيد فى مصر